“4Ps members tayo ngayon, pero sikapin natin na sa susunod na henerasyon, tayo na ang tutulong,” ito ang iniwang mensahe ni Parent-Leader Annabelle Pulmano, sa kakatapos lamang na 2018 Regional Search for Huwarang Pantawid Pamilya and Best Parent-Leader, kahapon, September 28, 2018, na ginanap sa Walter Mart, City of San Fernando, Pampanga.
Si Parent-Leader (PL) Annabelle Pulmano, ng Ramos Tarlac, ang kinilala bilang 2018 Best Parent-Leader ng Gitnang Luzon. Si PL Anabelle ay kasalukuyang kagawad ng Barangay Carangian, Tarlac City. Bagaman isang Solo-Parent ay hindi ito naging hadlang upang maging aktibong leader si PL Pulmano sa kanilang lugar kanilang lugar bilang “ Active Zone Leader of the Year” nang taong 2013. Kasunod nito ay ay ilang pa nýang mga inisyatibo upang mapababa ang kriminalidad sa kanilang barangay at mapabalik ang mga kabataan sa eskwelahan (basahin ang buong kwento ni PL Annabelle).
Kinilala naman bilang 1st Runner-up si Parent-Leader Suzette Alonzo, ng Calumpit, Bulacan. Isa rin sýa sa aktibong katuwang ng lokal na pamahalaan upang mapababa ang mga kasong kaugnay sa Violence Against Women and Children (VAWC); isa rin sýa sa mga aktibong kasapi ng Gender-Based Violence Watch Group (basahin ang buong kwento ni PL Suzette). Samantalang, kinilala naman bilang 2nd Runner-up si Parent-Leader Ma. Evelyn Puchero, ng Sta. Rita, Pampanga. Bukod sa pagtutok n’ya sa pag-aaral ng kanyang anak, ay binigyang prayoridad ang kanyang edukasyon,; s’ya ngayoý matatapos nang mag-aral Bachelor of Science in Public Administration (basahin ang buong kwento ni PL Evelyn).
Ilan pa sa mga binigyang parangal ay sina: Parent Leader Cristina Diaz ng Dipaculao, Aurora; Irene Bestil ng Balanga City, Bataan na s’ya ring Pilipinong Masigasig Awardee (basahin ang buong kwento ni PL Irene); Parent-Leader Marites Fernandez ng Talugtug, Nueva Ecija; at, Parent-Leader Mercidita Espinosa ng Candelaria, Zambales na sýa ring Pilipinong Matatag Awardee (basahin ang buong kwento ni PL Mercidita).
Ang mga Parent-Leader ay katuwang ng mga Municipal Links sa pagpapdaloy ng impormasyon sa mga benepisyaryo ng Pantawid Pamilyang Pilipino Program (4Ps). Bagaman wala man silang nakukuhang insentibon sa gawaing ito ay binibigyan naman ng mga leadership training ang mga Parent-Leader upang mapalakas ang kanilang mga sarili. At, ang Regional Search for Best Parent-Leader ay isang paraan ng DSWD Field Office III upang kilalanin at ang mga Parent-Leader na naglaan ng extra effort at panahon upang mas mailapit pa ang ibang serbisyo ng gobyerno sa kanilang mga kapwa benepisyaryo.
