Pitong (7) mga pamilya mula sa mga probinsya ng Gitnang Luzon ang mga kalahok na sumailalim sa desk and field validation.

Itinanghal na Grand Winner ang Pamilya Cabrera mula sa Obando, Bulacan, ito ay sinundan ng Pamilya Angara mula sa San Luis, Aurora na itinanghal na 1st runner-up at ng Pamilya Lazaro mula sa Gapan City, Nueva Ecija na itinanghal na 2nd runner-up.

Ang aktibidad ay pinangunahan ni Pantawid Pamilyang Pilipino Program (4Ps) Division Chief Josephine C. Dela Tonga sa ngalan ni Regional Director Venus F. Rebuldela.

Layunin nitong kilalanin ang mga pamilyang benepisyaryo ng 4Ps na mayroong matibay na ugnayan ng pamilya at nagpapakita ng mga positibong katangian na makakatulong sa pagpapalakas ng kanilang komunidad na kinabibilangan.

Ang bawat pamilyang nakilahok ay nagwagi ng cash prizes; Php 3,000 consolation prize, Php 8,000 para sa 2nd runner-up, Php 10,000 para sa 1st runner-up, at Php 15,000 para sa itinanghal na grand winner. Bukod pa rito, ang itinanghal na grand winner – Pamilya Cabrera, ay itinanghal na ring National Winner at dadalo sa gaganaping National Family Congress sa National Capital Region sa October 27 – 31, 2024 kasama ng ibang National Winners mula sa ibang mga rehiyon ng bansa. #