Pasasalamat para sa natupad na pangarap, ‘yan ang namutawi sa mga labi nina Alejandro Balgua, III, batch
valedictorian at Ronald Melocotones, batch Salutatorian, nang sila’y magbigay ng talumpati nitong nakaraang ESGP-PA Scholars’ Ceremonial Rites nitong Mayo 5, 2016, na ginanap sa Walter Mart, City of San Fernando, Pampanga.

Ang pagdiriwang ay dinaluhan ng mga ahensyang s’yang nangunguna sa implementasyon ng Expanded Students Grants-in-Aid Program for Poverty Alleviation tulad ng Commission on Higher Education (CHED), Department of Budget and Management (DBM), sa pangunguna ng Department of Social Welfare and Development (DSWD) Field Office III, at ng mga president, administrator, at staff ng lahat na partner Philippine Association of State Universities and Colleges sa Rehiyon III, at ang mga batang benepisyaryo ng ESGP-PA na nagtapos at magtatapos ngayong taong 2016, kasama ang kanilang mga mga magulang.###