Kamustahin natin ang 2017 Huwarang Pantawid Pamilya ng Gitnang Luzon, Ang Ramirez Family, mula sa Hermosan, Bataan.

Ginamit ng Ramirez Family ang napanalunang P20,000.00 sa Search for Huwarang Pantawid Pamilya (Regional at National-level) bilang pumuhan sa kanilang bigasan. Sa tulong na rin ng kanilang mga natutunan patungkol sa Financial Management sa ilalim ng Family Development Session (FDS) ng Pantawid Pamilyang Pilipino Program (4Ps) ay napalago nila ito. Sa loob lamang ng isang taon ay na napalago na nila ang P20,000.00 sa P100,000.00, na puhunan. Mayroon sila ngayong 60 pamilyang regular na sinusuplayan ng kahating kabang bigas.

Nakalinya na rin sa mga plano ng pamilya ang pagpapatayo ng refilling station ng gas tanks ngayong taong 2018. Kinukumpleto nalang nila ang 50 gas tanks, upang makakuha na ng business permit.

“Ang programa po ang nagturo sa amin upang higit pang magsumikap at tumbasan ang pagnanais ng programa na maitawid kami sa kahirapan,” bahagi ni Nanay Irene Ramirez.

Sa kasalukuyan ay nag-voluntary exit na rin ang pamilya sa programa, upang, anila’y, mas mabigyang prayoridad pa ang mga ibang nangangailangan.

“Nabigyan po ng opportunity ang aming pamilya para magkaroon ng karagdagang hanapbuhay at ang pagsusumikap ang aming paraan upang masuklian ang tulong na inyong binigay sa amin,” bahagi ng Ramirez Family.

#DSWDGitnangLuzon
#MayMalasakitSaPamilya
#2018NationalFamilyWeek