Dinaluhan ito ng anim (6) na partner institutions mula sa pribadong sektor — Puregold, Avon TGV Merchandise Services, Vera Cross Colleges, Parlorista at Barbero Kami Foundation, Tesoro RTW, at YKMK Global Training and Assessment Inc.— na nagpakita ng kanilang suporta at interes na makiisa sa programang BIAG ni Juan Caravan of Services sa darating na Oktubre 7, 2025 (Talavera) at Oktubre 9, 2025 (Zaragosa).

Nagbahagi rin sila ng kani-kaniyang commitments bilang tugon sa mga Social Welfare and Development Indicator (SWDI) gaps ng siyam (9) na munisipyo sa ilalim ng Pantawid Operations Office 1 (POO1) katulad ng:

1. Vera Cross Colleges – Patuloy na pagbibigay ng skills trainings ng bakery products production, tailoring at food processing

2. Avon TGV Merchandise – Business Management Session, Personality Development Session, Record Management Training, at pagpapahiram ng produktong pangbenta at kumita ng porsyento

3. PureGold

– Pagbibigay ng special discounts sa mga benepisyaryong may sari-sari-store na i-oorganisa ng DSWD at libreng delivery service sa anumang produktong bibilhin at pagbibigay ng employment opportunities.

4. YKMK Global Training & Assessment, Ing.

– Libreng skills training para sa mga kursong Housekeeping at Agricultural Crops Production (Hydrophonics Lettuce Production)

5. Parlorista at Barbero Kami (PAK) Foundation

– Libreng pagtuturo sa paggupit at hairstyling, pagbibigay ng employment opportunities sa Orange Salon, at pakikilahok sa Caravan of Services

6. Tesoro RT

– Pagbibigay ng kaalaman sa pagpapatakbo ng negosyo sa maliit na halaga at income opportunity sa reselling ng ready-to-wear items.

Ang aktibidad ay dinaluhan din ng mga Municipal Action Team Leaders at pinangunahan ni Provincial Link, Ms. Marites P. Javate kasama ang iba pang mga bumubuo sa POO1. ##