Nakarating sa kaalaman ng Department of Social Welfare and Development Field Office III, na may mga kumakalat na identification cards na nasa ilalim ng Federation of Senior Citizens Association of the Philippines  (FSCAP), Inc. na nakapangalan kay Regional Director Gemma B. Gabuya at pirmado ng Assistant Regional Director for Administration na si Irene C. Crespo.

Nais linawin ng ahensya na ang FSCAP ay isang independent at non-government people’s organization. Hindi kailanman nag-labas ng FSCAP ID ang DSWD, gayundin hindi awtorisadong pumirma ang Regional Director at iba pang mga opisyal ng DSWD. Ang maaari pumirma sa FSCAP ID ay ang mismong presidente ng nasabing asosasyon lamang.

Gayundin, para sa mga benepisyaryo ng Social Pension, ang FSCAP ID ay tinuturing bilang secondary ID lamang, at ang Office of Senior Citizen Association (OSCA) ID ang natatanging valid ID na para sa pagbeberipika sa oras ng pay-out. Ang OSCA ID ay dapat pirmado ng benepisyaryo, OSCA President, City/Municipal Social Welfare Development Office (C/MSWDO) at Mayor.