Palayan City, Nueva Ecija. Inorganisa ng Department of Social Welfare and Development Field Office III ang ika-13 na Regional Assembly ng Pag-asa Youth Association of the Philippines (PYAP) sa Gitnang Luzon. Ito ay may temang “Redefining the Role of Filipino Youth in Nation Building Towards Sustainable Development”.

Ibinahagi ni Aries Ora, out-going President ng Regional Youth Federation ang Philippine Youth Development Plan. Aniya, mahalaga ang alignment nito sa Local Development Plan upang madaling maisagawa ang mga proyektong nais ng mga kabataan.

“Hindi ka mali, hindi ka kulang, kapag PYAP ka, ikaw ang pupunan sa ano mang pagkukulang,” paalala ni Ora sa higit 1,000 na kabataang dumalao sa pagtitipon.

Ang Unlad Kabataan ay isa sa mga mahahalagang programa ng PYAP na naglalayong maging kaakibat ang mga kabataan sa pagpapalaganap ng Population Awareness at Family Lifestyle.

Inilahad din ni John Paul Corea, PYAP Region 3 President, ang mga accomplishment ng kanilang organisasyon. Una rito ay ang Government Internship Program ng DSWD, ang aktibong pakikilahok sa Regional Juvenile Justice and Welfare Council at ang Immersion Outreach Program kung saan sila ay nakakatanggap ng transportation and meal allowances.

“Don’t wait for change. Be the change – change starts with us,” iniwang mensahe ni Corea.

Bukod sa inspirasyon, punong-puno rin ng kasiyahan ang nasabing pagtitipon. Naghanda ng iba’t-ibang makukulay na pagtatanghal ang mga representante ng bawat probinsya sa rehiyon.

Layon ng PYAP na gabayan ang mga kabataan sa kanilang daang tatahakin. “I hope you will always take the right path,” positibong sambit ni Elena Carreon, PYAP Focal Person ng DSWD FO III.

#13thPYAPRegionalAssembly #DSWDGitnangLuzon #DSWDMayMalasakit

image_pdfimage_print