“Gaano man kaganda ang intensyon sa pagbibigay limos, ito ay hindi tunay na pagtulong. Hindi kayang tumbasan ng iilang barya ang panganib na nakaabang sa mga kapatid nating katutubong namamalimos sa daan,” ganito ilarawan ni Ms. Rhea Lynn Cabiling, Focal Person ng Modified Conditional Cash Transfer (MCCT) sa Rehiyon III, ang nakaakit na panganib sa pamamalimos.

Ito ang binigyang diin ni Ms. Cabiling sa Focus Group Discussion (FGD) na ginanap kamakailan sa dalawang barangay ng Porac, Pampanga.

Ang FGD ay bahagi ng adbokasiya ng Department of Social Welfare and Development Field Office III (DSWD FO III) kaugnay sa Anti-Mendicancy. Bumisita si Ms. Cabiling, Mr. Jerome Nicdao, Municipal Link, at Ms. Andyleen Feje, Information Officer ng Pantawid Pamilya sa mga naiulat na mga lugar na may mataas na ulat sa mendicancy. Una na nga rito ang munisipyo ng Porac, kung saan matatagpuan ang pinakamalaking populasyon ng katutubo sa probinsya ng Pampanga.

“Ang dami na po nating programa, sa nasyonal at lokal. Ang problema kasi ay nasa atin. Wala nang mamalimos kung walang magbibigay limos. Kaya imbes na mabawasan, lalo pang nadaragdagan. Ire-rescue mo ngayon, babalik na naman mamaya,” bahagi ni Jhoanne Arcega, Municipal Social Welfare and Development Officer (MSWDO) ng Porac, Pampanga.

Ayon sa maraming kritiko ng programa, lalo na sa social media, ang mga programang nasyonal at lokal ay hindi epektibo, at ang mga programa tulad ng Pantawid Pamilyang Pilipino Progrma o 4Ps at MCCT ay isa ring paraan ng panlilimos at ginagawa lamang na tama dang mga benepisyaryo nito. Upang tiyakin kung ang opinyong ito’y may katotohanan at sa parehong pagkakataon ay simulan ang kampanya ng anti-mendicancy. ### (Andyleen C. Feje)

image_pdfimage_print